පිණි වැටුන
තණ බිස්ස
පාමුල
වැතිරුනෙමි
තරු පිරි අහස යට
නිහඩ නිසසල
රජත හැම අත
සද නැතත් නෑ
අහස පාළුව
දිදුලන්න
නිවි නිවී දස අත
ඇති නිසා
යායට තරු පොකුර
දැවෙන තැවෙනා
විරහ ගී නෑ ඇසෙන මානයේ
සිසිලස සදයි
මද සුළග පිණි පොකුරු හාදයේ
නිවනට ගිමන්
හති වැටුන දුකම පිරි ලෝකයේ
වියකා දමයි
මග ළකුණු කදුළු ගැලු තීරයේ
තරු යාය මත
දිටිමි එක් තරුවක්
නිවි නිවී
දිදුලනා ඈත සිට ගව් දුරක්
පාළු තනිකම
මකන ගෙනෙන සිත සැනසුමක්
දික් විජය කරන්නට ජීවිතේ
මංපෙතක්
No comments:
Post a Comment